Керы ў Гаване, над пасольствам ЗША ўпершыню ад 1961 года ўзняты амерыканскі сцяг
Працягваецца нармалізацыя адносін між заклятымі ворагамі.
Камуністычная Куба прапанавала Савецкаму Саюзу размясціць наступальную зброю ў непасрэднай блізкасці ад берагоў ЗША. Вашынгтон стаў трактаваць Гавану як ворага. Адносіны між краінамі былі замарожаныя на доўгія гады.
Амбасада ЗША на востраве была закрытая.
І нават пасля таго як адносіны аднавіліся, яны мелі абмежаваны характар. У дзвюх краінах адкрыліся «секцыі інтарэсаў», яны працавалі пад эгідай Швейцарыі і не мелі статусу пасольства.
Амерыканскую місію ў Гавану ахоўвала невялічкая група швейцарскіх вартавых.
Нармалізацыя адносін распачалася толькі ў 2014 годзе, у выніку перамоваў Барака Абамы і Рауля Кастра, пры пасярэдніцтве Ватыкана.
У выніку 14 жніўня дзяржсакратар ЗША Джон Керы афіцыйна адкрыў амерыканскае пасольства ў Гаване. Тры былых марскіх пехацінцы, якія знялі сцяг ЗША над пасольствам ў 1961 годзе, былі запрошаны, каб вярнуць яго на месца.
Перад прыездам Керы каля пасольства, аднак, дэманстравалі «жанчыны ў белым» — жонкі кубінскіх палітвязняў і грамадскія актывісткі. Яны пратэставалі супраць прымірэння з рэжымам Кастра, які працягвае заставацца дыктатарскім.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый39
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары