Надзея Саўчанка правяла ў Мінску таемныя перамовы з лідарамі «Наваросіі»
У Мінску прайшлі таемныя перамовы паміж украінскай дэпутаткай Надзеяй Саўчанкай і лідарамі «ЛНР» і «ДНР» Платніцкім і Захарчанкам.
Як стала вядома «Нашай Ніве» з уласных крыніц, сустрэча Саўчанкі з лідарамі сепаратыстаў адбылася ў гатэлі «Вікторыя» 7 снежня пры павышанай колькасці супрацоўнікаў у цывільным на прылеглай тэрыторыі, гасцей прывезлі на машынах з дыпламатычнымі нумарамі.
Хто быў удзельнікам таемных перамоваў?
Там быў Аляксандр Захарчанка, Ігар Платніцкі, нехта Міхаіл Балуеў і Андрэй Шкраба, таксама Уладзімір Рубан. Апошні — кіраўнік «Цэнтра вызвалення палонных ГА «Афіцэрскі корпус».
Як паведамілі нам крыніцы, за Саўчанку і Рубана ў рэстаране «Вікторыі» плаціў Шкраба, за Захарчанку і Платніцкага — Балуеў.
Некаторыя ўкраінскія выданні вінавацяць Саўчанку ў дзеяннях, што пярэчаць дзяржаўным інтарэсам Украіны ва ўгоду ўласнай палітычнай гульні. Хтосьці накручвае сваякоў палонных, што кіеўскія ўлады не аказваюць хлопцам ніякай дапамогі, таму трэба ціснуць на іх, каб дамагчыся наўпроставых перамоваў паміж кіеўскімі ўладамі і кіраўнікамі марыянеткавых «дзяржаў», піша Ліга.нэт.
Факт таемнай сустрэчы ў Мінску выклікаў абурэнне ўкраінскіх дыпламатаў, сама Саўчанка сустрэчу ніяк не каментуе, адзначае Ліга.нэт.
Цяпер чытаюць
Інфармацыю пра групу крыві будуць уносіць у беларускія пашпарты і дазволы на жыхарства7
Каментары