Эксперт: Каб арганізаваць альтэрнатыўныя пастаўкі нафты, спатрэбіцца месяц. Чыгунка — несур'ёзны варыянт
Найперш варта разумець, чаму Расія не пастаўляе ў Беларусь нафту. Таму, што на гэта не пагаджаецца сама Беларусь, бо нас не задавальняюць умовы гэтых паставак і іх цана. А так Расія гатовая пачаць хоць заўтра, але пакуль ідзе гандаль.
Адзін з элементаў гэтага гандлю — даручэнне Лукашэнкі знайсці альтэрнатыўныя крыніцы паставак нафты.
І такія магчымасці ёсць. Праўда, як патлумачыла «Нашай Ніве» эканамічная аглядальніца «Белрынку» Таццяна Манёнак, арганізацыя працэсу расцягнецца прынамсі на месяц.
«Арганізацыйна гэта ў прынцыпе проста, чыгункай можна пастаўляць хоць адкуль, але чыгунка — гэта несур'ёзна. Каб загрузіць нашыя два заводы, трэба ўключаць трубы, а яны ёсць: можна пастаўляць і з Польшчы, і з Прыбалтыкі, і з Украіны.
Але гэта трэба ўзгадняць з аператарамі тых краін. Колькі ім арганізацыйна трэба на гэта часу? Вось украінцам — месяц.
З Прыбалтыкай няясна па палітычных прычынах — у нас сур'ёзны дыпламатычны разлад з Літвой, а з латвійцамі яшчэ не вычарпаны выпадак, калі яны адпампавалі 150 тысяч тон нафты з трубы «Полацк — Вентспілс», а гэтую нафту мы лічым сваёй і працягваем судзіцца», — сказала Манёнак.
Але таксама важны момант — наколькі альтэрнатыўныя пастаўкі будуць камерцыйна выгадныя для Беларусі. Пакуль не зразумела, якой будзе эканоміка пытання альтэрнатыўных паставак, адзначае эксперт.
Цяпер чытаюць
У беларускія пашпарты будуць упісваць групу крыві9
Каментары