Пасля адключэння аднаго з энергаблокаў Астравецкай АЭС у Беларусі позна ўвечары ў сераду Літоўскі цэнтр радыяцыйнай абароны заявіў, што радыяцыйны фон у краіне не змяніўся, піша Delfi.lt.
«Мы вядзём маніторынг, радыялагічны маніторынг навакольнага асяроддзя — усе нашы станцыі сёння працуюць, сувязь з усімі ёсць, і (радыяцыйны) фон не змяніўся. Паказальнікі аэразольных станцый таксама не змяніліся. (…) Фон паказвае, што ніякіх змен няма, выкідаў у навакольнае асяроддзе няма — па меншай меры, яны не даходзяць да Літвы», — заявіў у чацвер радыё LRT кіраўнік аддзела экспертызы і кантролю дазіметрыі Цэнтра радыяцыйнай абароны Юлюс Жылюкас.
Паводле яго слоў, у залежнасці ад напрамку ветру, калі ён дзьме наўпрост у бок Літвы, радыеактыўнае забруджванне можа дасягнуць мяжы краіны цягам гадзіны пасля інцыдэнту, а Вільні — цягам трох гадзін.
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары