У аграгарадку Нарач Вілейскага раёна 2 жніўня загінула 36-гадовая жыхарка Магілёва. Жанчына патанула, купаючыся ў неабсталяваным для купання месцы.
Жанчына прыехала з мужам і дзіцем у бацькоўскі дом у аграгарадок Нарач, што ў Вілейскім раёне. У нядзелю, каля 17:30, сям’я разам з дачкой і яе сяброўкай адправіліся на мясцовую раку. Пакуль дзеці плёскаліся ў вадзе, дарослыя распівалі спіртное на беразе, піша Kraj.by.
Пасля таго, як дзяўчынкі пайшлі дадому, жанчына вырашыла выкупацца. Паводле слоў мужа, падчас плавання яна пачала губляць сілы, і яму даводзілася некалькі разоў дапамагаць ёй выбірацца з вады. Калі мужчыну спатрэбілася адысці ў краму, ён папрасіў сваю дачку прыгледзець за маці.
Праз нейкі час дзяўчынка ў паніцы патэлефанавала бацьку, паведаміўшы, што маці тоне. Да моманту, калі ён прыбег, яго жонка ўжо знаходзілася пад вадой. Самастойныя пошукі не далі вынікаў, і мужчына выклікаў ратавальнікаў.
Вадалазы Таварыства выратавання на водах дасталі цела загінулай з вады.
Следчыя таксама паведамілі, што незадоўга да здарэння пара выратавала чалавека, які выпаў з байдаркі.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары