Мужчына, якога СК называе кілерам банды Марозава, амаль 20 гадоў хаваўся ад следства па падробленых дакументах у Расіі і Казахстане, адкуль у сакавіку 2025 года быў экстрадаваны ў Беларусь. Цяпер Следчы камітэт расказаў пра яго злачынствы.
Пра экстрадыцыю з Казахстана ў Беларусь Віктара Рэцкага, які выконваў ролю штатнага кілера банды Марозава, МУС паведаміў у сакавіку.
Цяпер следства справаздачылася, што абвінавачаны датычны да не менш як двух рэзанансных забойстваў у перыяд крымінальных войнаў 90‑х гадоў.
Першае забойства датуецца 1994 годам, піша СК. Тады фігурант завабіў сваіх сяброў з Вільні ў Гомель, дзе ўдзельнікі банды Марозава, прадставіўшыся супрацоўнікамі міліцыі, здзекаваліся з пацярпелых, патрабуючы прадаставіць інфармацыю, якая іх цікавіла. Зразумеўшы, што гэта не працуе, яны забілі двух гасцей і, загрузіўшы целы ў аўтамабіль, разам з яшчэ жывымі замежнікамі прывезлі на бераг ракі Сож. Там, прывязаўшы да іх металічныя тракі, кінулі ў раку. З двума жывымі замежнікамі паступілі таксама.
Яшчэ адно злачынства — расстрэл крымінальнага аўтарытэта. Восенню 1997 года ўдзельнікі банды Марозава расстралялі аўтамабіль крымінальнага аўтарытэта. У выніку перастрэлкі загінулі тры чалавекі, у тым ліку гадавалае дзіця.
Падазраванаму прад'яўлена абвінавачванне па артыкуле 100 Крымінальнага кодэкса БССР 1960 года (наўмыснае забойства двух або больш асоб з асобай жорсткасцю). Санкцыя дадзенага артыкула, паведамляе СК, прадугледжвае максімальнае пакаранне ў выглядзе смяротнай кары. Але, як раней «Нашай Ніве» тлумачылі юрысты, цалкам магчыма, што кілер марозаўцаў атрымае толькі 15 гадоў.
Каментары
А кілера гэтага да сьмерці ў турме трымаць без права на выхад
Гэта якраз выпадак, калі выконваецца "да законаў", як яно і павінна быць паўсюдна.
І пачытайце дадатковыя тлумачэнні юрыста па спасылцы.