Кіраўнік памежнай службы Літвы: Рэжым Лукашэнкі выкарыстоўвае злачынцаў як з беларускага, так і з літоўскага боку
Рэжым Аляксандра Лукашэнкі мае дачыненне да патоку метэазондаў з кантрабандай у Літву, заявіў кіраўнік Службы аховы дзяржаўнай мяжы Рустам Любаеў, піша Delfi.lt
Паводле слоў начальніка памежнай службы, для ажыццяўлення гэтых гібрыдных атак таксама выкарыстоўваюцца злачынцы як з беларускага, так і з літоўскага боку.
«Мы таксама бачым усё больш праяваў гібрыдных дзеянняў. Гэта не навіна, гэта не першы выпадак, калі беларускі рэжым арганізуе гібрыдную атаку супраць Літвы», — заявіў Любаеў, каментуючы сітуацыю з кантрабандай на метэазондах.
Паводле слоў начальніка САДМ, цяпер Мінск актыўна выкарыстоўвае тэму кантрабанды ў прапагандысцкіх мэтах, абвінавачваючы ў гэтых дзеяннях саміх літоўцаў.
«Цяпер прапагандысты рэжыму Лукашэнкі кажуць пра тое, што ўсё арганізоўваюць літоўцы, прыязджаюць у Беларусь. Слухаючы гэтыя рэпартажы, часам нават ствараецца ўражанне, што літоўцы ледзь не цыгарэты на Гродзенскай фабрыцы вырабляюць. Насамрэч гэта не так», — патлумачыў Р. Любаеў.
Паводле яго слоў, у гэтым выпадку Беларусь нават абвінавачвае літоўцаў у росце кантрабанды. Як заявіў Р. Любаеў, рэжым А. Лукашэнкі таксама ўцягвае злачынныя групоўкі, што займаюцца кантрабандай.
«Рэжым Лукашэнкі для дасягнення сваіх мэтаў уцягвае крымінальныя элементы як з беларускага, так і з літоўскага боку. Менавіта таму мы гаворым пра барацьбу з тымі групоўкамі, якія займаюцца кантрабандай у Літве ў цэлым і кантрабандай на метэазондах у прыватнасці», — патлумачыў начальнік САДМ.
Цяпер чытаюць
Ціханоўскі ў Ельскім універсітэце прапанаваў тры элементы стратэгіі ЗША наконт Беларусі40
Каментары