Летам у Гомелі адзін з мінакоў заўважыў маладога хлопца, які, хістаючыся, ішоў па праезнай частцы і кідаўся пад аўтамабілі на скрыжаванні вуліц Фрунзе і Інтэрнацыянальнай. Каб прадухіліць аварыю, сведка патэлефанаваў у міліцыю. Калі прыбылі супрацоўнікі ДАІ, хлопец павёў сябе агрэсіўна, піша выданне «Белка».
Хлопец некалькі разоў ударыў па лабавым шкле службовай машыны, спрабаваўшы яго разбіць, а потым ударыў супрацоўніка па руцэ і парваў на ім форменную майку разам з мацаваннем нагруднага відэарэгістратара. Адзін з інспектараў нават прывёў табельную зброю ў баявую гатоўнасць, але гэта не спыніла парушальніка: ён залез у службовы аўтамабіль на месца кіроўцы. Пры спробе надзець на яго кайданкі хлопец укусіў інспектара за палец.
Пасля вывучэння відэазапісаў і сведчанняў суд прызнаў 21‑гадовага гамельчука вінаватым у прымяненні гвалту і пагрозах у дачыненні да супрацоўнікаў унутраных спраў. Аднак жа ўлічылі тое, што ён мае пастаянную працу, станоўчую характарыстыку і раней не прыцягваўся ні да крымінальнай, ні да адміністрацыйнай адказнасці.
Суд вырашыў, што ізаляцыя ад грамадства ў гэтым выпадку не патрэбная і прызначыў парушальніку тры гады «хатняй хіміі».
Цяпер чытаюць
У беларускія пашпарты і дазволы на жыхарства будуць упісваць групу крыві8
Каментары