У «Мінск-Свеце» — лавіна скаргаў на абслугоўваючую арганізацыю. Улады пагражаюць памяняць яе
На працу таварыства ўласнікаў і абслугоўваючай арганізацыі «Хэпі Планет» у элітным мінскім комплексе «Мінск-Свет» звярнулі ўвагу ўлады. Прычынай стаў анамальны рост незадаволенасці сярод жыхароў шматпавярховак.
Крызісную сітуацыю абмеркавалі на адмысловай сустрэчы з удзелам кіраўніцтва Мінгарвыканкама, адміністрацыі Кастрычніцкага раёна і кіраўніцтвам «Хэпі Планет». Статыстыка сведчыць пра камунальны правал.
За 2025 год колькасць скаргаў ад жыхароў «Мінск-Света» вырасла адразу на 125% у параўнанні з 2024-м. У 2026 годзе паток прэтэнзій, заявак і абураных відэа ў сацсетках працягвае расці.
Кіраўнік раённай адміністрацыі Эдуард Тамільчык заявіў, што гэта вынік неналежнага выканання абавязкаў з боку «Хэпі Планет». Кампаніі выставілі ўмову: альбо яны змяняюць падыход да працы і пачынаюць якасна абслугоўваць дамы, альбо ўлады заменяць абслугоўваючую арганізацыю на іншую.
Каментары
Абслугоўваючая арганізацыя была створана як такі "камерцыйны ЖЭС" чыноўнікамі з ЖКГ.
Напрыклад, сучасны дырэктар Мамедов Роман Рафигович раней працаваў дырэктарам "ЖКХ №1 Московского р-на г.Минска".
Адмовіцца ад такой арганізацыі ў "Мінск-Свеце" немагчыма. То-бок, ёсць манаполія пры падтрымцы дзяржавы.
Рост скаргаў таксама можа быць наступствам здачы ў эксплуатацыю дрэнна пабудаваных аб’ектаў. Першыя гады самыя праблемныя.