«Бо ўлады не сфармулявалі і не прадставілі грамадскасці выразны адзіны план выхаду з крызісу», — сказала Калядзіна. Тым часам даляр на чорным рынку зноў пайшоў у рост.
Міжнародны валютны фонд (МВФ) увязвае пачатак перамоваў аб новым крэдыце для Беларусі з наяўнасцю ва ўладаў выразнага і публічнага плану выйсця з крызісу, заявіла агенцтву
«Місія МВФ пакуль не можа прыехаць [для перамоваў], бо ўлады не сфармулявалі і не прадставілі грамадскасці выразны адзіны план выхаду з крызісу», — сказала Калядзіна.
Нагадаем, што беларускія ўлады скіравалі зварот у МВФ 31 мая. Яны прасілі аб новым крэдыце на $3–7,5 млрд тэрмінам на 3–5 гадоў.
«Прайшло ўжо паўтара месяца з часу заканчэння працы місіі [МВФ у Мінску], але значнага прагрэсу ў гэтай галіне няма», — канстатавала Калядзіна. «Фонд чакае далейшых дзеянняў уладаў».
Так супала, што за апошні тыдзень рубель на чорным рынку аднавіў падзенне. Два месяцы ён трымаўся на ўзроўні каля 6200 за даляр. Цяпер курс даляра да рубля як на сайце Prokopovi.ch, так і ў абменніках суседніх краін вырас да 6500—6600.
У Мінску ў сераду некаторыя валютчыкі пачалі даваць за даляр 6700 рублёў, а прадаваць даляры за 7000.
Цяжка сказаць, ці гэта звязана з сезонным попытам на валюту (адпачынкі), ці з хранічным яе дэфіцытам.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў13
Каментары