Мужчына за паўтара года зарабіў 35 тысяч рублёў на перапродажы квіткоў. Зараз яго чакае суд
19.03.2025 / 15:2
Падатковыя органы зацікавіліся мужчынам, які займаўся перапродажам.
Мужчына прыдумаў нетрывіяльны спосаб заробку. Ён купляў білеты ў тэатр, на канцэрты і спорт, а потым перапрадаваў іх. За паўтара года ён прадаў 328 квіткоў і зарабіў больш за 35 тысяч рублёў.
Аднак мужчынам зацікавілася падатковая. Ён займаўся бізнэсам неафіцыйна, юрыдычную асобу не рэгістраваў.
У сталічнай падатковай распавялі, што на мужчыну паскардзіліся пакупнікі.
На яго складзены пратакол, наперадзе суд, які вызначыць памер штрафу. Акрамя пакарання, мужчына страціць як мінімум 26% заробленай сумы — гэта падаходны падатак, які ён не заплаціў.