Атакаваная газавымяральная станцыя «Суджа» ў Курскай вобласці
21.03.2025 / 10:7
Праз яе расійскі газ ідзе ў Еўропу транзітам праз Украіну.
Транзітны напрамак праз «Суджу» заставаўся адзіным маршрутам паставак расійскага газу ў краіны Еўрасаюза.
Расійскія ваенкары пішуць, што газавымяральная станцыя «Суджа» была пашкоджана ў выніку ўкраінскага ўдару. Курскія навінавыя паблікі публікуюць відэа і фота з магчымымі наступствамі атакі па газавымяральнай станцыі.
Генеральны штаб УСУ заявіў, што гэта Расія з мэтай дыскрэдытацыі Украіны абстраляла з артылерыі «Суджу».
«Расійская Федэрацыя нарошчвае дыскрэдытацыйную кампанію супраць Украіны. Так, вораг абвінаваціў нашы сілы абароны ў абстрэле газавымяральнай станцыі «Суджа». Гэтыя абвінавачванні беспадстаўныя», — заявілі ўкраінцы.
Яшчэ ў кастрычніку 2024 года паведамлялася, што «Газпрам» падае газ у Еўропу транзітам праз Украіну ў аб’ёме 42,4 млн кубаметраў у суткі на газавымяральную станцыю «Суджа» ў Курскай вобласці, нагадвае Baza.