П'яны кіроўца перакуліўся на аўто ў двары ў мінскай Серабранцы
Здарэнне адбылося вечарам у пятніцу, 18 ліпеня, у двары дома №56/1 па вуліцы Пляханава.
Фота: Мінск. Галоўнае
34-гадовы кіроўца Mercedes здзейсніў наезд на прыпаркаваны Geely, затым урэзаўся ў асвятляльную мачту — аўтамабіль перакуліўся, паведамляе тэлеграм-канал Мінск. Галоўнае.
Мужчына быў дастаўлены ва ўстанову аховы здароўя. Яго стан выклікаў падазрэнне ў інспектараў ДАІ.
Медагляд паказаў 1,76 праміле спіртнога ў арганізме.