Беларуса затрымалі ў Польшчы за нецвярозае кіраванне
11 жніўня паліцыя горада Саколаў-Падляскі Мазавецкага ваяводства паведаміла, што мясцовыя паліцыянты спынілі для праверкі легкавы Opel. За рулём быў 32-гадовы грамадзянін Беларусі, які не павінен быў сядаць за руль — у яго ў крыві было больш за два праміле спіртнога.
Фота ілюстрацыйнае
Інцыдэнт адбыўся 10 жніўня каля 4:20 раніцы на вуліцы Свабоды. Паліцыянты заўважылі, што аўтамабіль рухаўся няроўна, а рухавік некалькі разоў глухнуў адразу пасля запуску. Яны пад’ехалі, каб праверыць сітуацыю і пры неабходнасці, дапамагчы. Пры размове высветлілася, што кіроўца мае прыкметы моцнага алкагольнага ап’янення.
Праверка алкатэстарам пацвердзіла: утрыманне алкаголю больш за два праміле. Мужчыну затрымалі і змясцілі ў ізалятар часовага ўтрымання. Яму пагражае да трох гадоў пазбаўлення волі за кіраванне транспартам у стане ап’янення.
Чытайце таксама:
На мяжы з Польшчай затрымалі п'янага беларуса-дальнабойшчыка
П'яны кіроўца-беларус у Польшчы збіў дзвюх жанчын і ўцёк з месца здарэння
За што беларусаў могуць дэпартаваць з Польшчы? Тлумачыць польская памежная служба