У Перу 37 чалавек загінулі пасля падзення аўтобуса з абрыву
Прынамсі 37 чалавек загінулі і 13 атрымалі раненні ў выніку падзення аўтобуса з абрыву ў яр у рэгіёне Арэкіпа на поўдні Перу. Пра гэта паведамляе мясцовая радыёстанцыя RPP.
Фота: RPP
Паводле інфармацыі RPP, аўтобус сутыкнуўся з грузавіком, пасля чаго вылецеў з дарогі.
«На жаль, на гэты момант пацверджана, што 36 чалавек загінулі на месцы аварыі і яшчэ адзін памёр у бальніцы. Верагодна, гэта ўжо канчатковая лічба», — заявіў радыёстанцыі кіраўнік службы аховы здароўя рэгіёна.
Цяпер праводзіцца расследаванне абставін таго, што адбылося.
Паводле адной з версій, прычынай здарэння мог стаць дрэнны стан дарогі, які пагоршыўся праз дажджы.
Чытайце таксама:
Турэцкія вайскоўцы разбіліся ў самалёце, вяртаючыся з параду ў Баку
У сталіцы Індыі выбухнуў аўтамабіль, дзясяткі загінулых і пацярпелых
У турме ў Эквадоры знайшлі дзясяткі павешаных вязняў
На поўдні Бразіліі прайшоў магутны тарнада, шмат ахвяр і разбурэнняў