Рэсурсы хатніх гаспадарак у Беларусі складаюць 2915 рублёў
У Беларусі ў трэцім квартале 2025 года рэсурсы ў разліку на хатнюю гаспадарку склалі Br2915,6 у месяц. Гэта вынікае з даных выбарачнага абследавання, апублікаваных на сайце Нацыянальнага статыстычнага камітэта, піша БелТА.
Распараджальныя рэсурсы на хатнюю гаспадарку ў гарадах і пасёлках гарадскога тыпу склалі Br3032,9 у месяц, у вёсках — Br2536,6 у месяц.
Грашовыя выдаткі ў разліку на дхатнюю гаспадарку склалі Br2801,6 у месяц, з якіх Br1907,2 (68,1%) прыпадае на спажывецкія выдаткі.
У структуры спажывецкіх выдаткаў дамашніх гаспадарак доля выдаткаў на харчаванне склала 37,2%, на куплю непрадуктовых тавараў — 35,9%, на аплату паслуг — 24,7%.
Распараджальнымі рэсурсамі лічацца грошы хатніх гаспадарак, кошт спажытых прадуктаў харчавання, вырабленых у асабістай падсобнай гаспадарцы, за мінусам матэрыяльных затрат на іх вытворчасць, і кошт атрыманых у натуральнай форме льгот і выплат.
Спажывецкія выдаткі — гэта выдаткі дамашніх гаспадарак на харчаванне (уключаючы грамадскае), куплю спіртных напояў, тытунёвых вырабаў, непрадуктовых тавараў і аплату паслуг. У іх склад не ўключаюцца падаткі, матэрыяльная дапамога і іншыя траты, не звязаныя са спажываннем, а таксама ўсе выдаткі на вытворчасць сельскагаспадарчай прадукцыі ў асабістай падсобнай гаспадарцы і ў мэтах назапашвання (банкаўскія ўклады, купля нерухомасці, замежнай валюты і гэтак далей).