У Мінску адбыўся апошні рэйс унікальнага 26‑метровага трамвая
Гаворка пра мадэль вытворчасці мінскага завода «Белкамунмаш» — АКСМ-743, піша Blizko.by.
Гэтая эксперыментальная мадэль, выпушчаная ў 2002 годзе, стала першым у гісторыі прадпрыемства трохсекцыйным сучлененым трамваем з пераменным узроўнем падлогі і падвышанай умяшчальнасцю з інавацыйнымі схемамі прываду і кіравання.
На здымках карыстальніка @dimka_photography можна разгледзець самаробную таблічку «28.11.2025: апошні рэйс БКМ-743».
Даўжыня трамвая складае 26 метраў, маса — 31 тона, максімальная хуткасць — 62 км/г, разліковая ўмяшчальнасць — 302 чалавекі.
Трамвай быў выпушчаны ў адзіным экзэмпляры і ў серыю не пайшоў. Наступнай распрацоўкай сучлененай мадэлі стала АКСМ-843 з палепшанымі характарыстыкамі, выпушчаная ў 2008 годзе, якая і пайшла ў серыю.
Чакаецца, што АКСМ — 743 адправіцца ў музей пасажырскага транспарту Мінска.
Чытайце таксама:
Беларусь увайшла ў топ-20 краін з самымі таннымі праязнымі
У Беларусі ствараюць беспілотны трамвай
У Мінску плануюць запусціць аплату карткамі на ўсіх відах транспарту
Міністр транспарту расказаў, як будуць выконваць загад Лукашэнкі разабрацца з маршруткамі