У Мядзельскім раёне бабры атакуюць адну з вёсак
Жыхары вёскі Пасынкі адзначаюць, што жывёліны актыўна атакуюць дрэвы і будуюць плаціны.
Усё б нічога, але вясной 2024 года моцнай плынню вады на ўездзе ў Пасынкі змыла частку дарожнага пакрыцця, разбурыла аснову дарогі, затапіла прыватныя падворкі, — паведамляе тэлеграм-канал «Нарач. Мядзел/Навіны».
Галоўны інжынер Мядзельскага ПМС Ігар Франткевіч адзначае, што бабры — гэта сур’ёзная перашкода для нармальнай работы гідратэхнічных збудаванняў, размешчаных на каналах і ручаінах:
«Мы пастаянна маніторым сітуацыю на ручаінах і вадацёках, трымаем сувязь з жыхарамі Пасынкаў, Сіманоў, Чараўкоў. На мінулым тыдні знайшлі новае бабровае паселішча каля Чараўкоў. Аператыўна разабралі плаціну і спусцілі ваду — усё прайшло без наступстваў».