У Касцюковіцкім раёне бацька параніў з ружжа 15‑гадовага сына
Здарэнне адбылося раніцай 24 мая ў вёсцы Бялынкавічы Касцюковіцкага раёна Магілёўскай вобласці, калі 61‑гадовы мясцовы жыхар разам са сваім непаўналетнім сынам дапамагаў фермеру з забоем парсюка.
Мужчына вырашыў скарыстаць гладкаствольную стрэльбу. Зброя дасталася яму ў спадчыну, аднак не была афіцыйна зарэгістравана, піша СК.
У момант стрэлу бацька выпадкова пацэліў у сваё дзіця. У выніку інцыдэнту 15‑гадовы падлетак атрымаў сур'ёзнае раненне жывата. Хлопчыка тэрмінова шпіталізавалі, зараз медыкі аказваюць яму экстранную медыцынскую дапамогу.
На месцы здарэння працуюць следчыя.