Іранскую студэнтку, якую арыштавалі ў Мінску за каментары аб Іране, дэпартавалі з Беларусі
Але не на радзіму, а ў Арменію.
Студэнтку-стаматолага з Ірана Хатэры Хадададзі затрымалі ў Беларусі за каментары аб Іране ў адным з тэлеграм-каналаў.
Ёй спачатку прызначылі 14 сутак арышту, але па сканчэнні тэрміну не вызвалілі, а пакінулі чакаць дэпартацыі.
Па словах суразмоўцы «Вясны», праз тое, што Грузія адмовілася прымаць Хатэры, каб там яе не выкралі іранскія ўлады, яе ў выніку дэпартавалі ў Арменію. Вядома, што пакуль яна знаходзілася ў ІЧУ, да яе прыязджалі журналісты і здымалі пра яе сюжэт. Пра гэта «Вясне» распавяла жанчына, якая знаходзілася разам з Хатэры Хадададзі ў ІЧУ на Акрэсціна.