Аўто падрэзала тралейбус на праспекце Дзяржынскага ў Мінску
Адну з пасажырак тралейбуса адвезлі ў бальніцу.
Скрыншот відэа: ДАІ Мінска
Удзень 7 чэрвеня 29‑гадовы кіроўца Toyota, рухаючыся па праспекце Дзяржынскага паблізу будынка №9, пры павароце направа ў двор не прапусціў тралейбус і сутыкнуўся з ім.
Мінская ДАІ адзначае, што кіроўца Toyota паварочваў з другой паласы руху, чым парушыў патрабаванні дарожнай разметкі.
25‑гадовую пасажырку тралейбуса даставілі ва ўстанову аховы здароўя для абследавання. Астатнія пасажыры тралейбуса, а таксама кіроўцы транспартных сродкаў у медыцынскай дапамозе не мелі патрэбы.