Prezientacyja biełaruskaha pierakładu knihi S.Aleksijevič «Čas Second-Hand» — 18 lutaha
18 lutaha (aŭtorak) u kreatyŭnaj prastory «CECH» (pr. Niezaležnaści, 58, korp. 6) adbudziecca prezientacyja biełaruskaj viersii novaj knihi Śviatłany Aleksijevič «Čas Second-Hand. Kaniec čyrvonaha čałavieka» z udziełam aŭtarki.
Kniha vyjšła ŭ vydaviectvie «Łohvinaŭ» u Biblijatecy Sajuza biełaruskich piśmieńnikaŭ «Kniharnia piśmieńnika».
Pačatak a 18-j. Uvachod volny.
Jak dabracca: Kreatyŭnaja prastora «CECH» znachodzicca pa adrasie: pr-t Niezaležnaści, 58, korpus 6. Kab patrapić tudy, treba zbočyć z praśpiekta na vulicu Pietrusia Broŭki, pieršy pavarot naprava da haražoŭ. Potym paviarnuć naprava i dajści da doŭhaha budynka zavodskaha cecha. Krajni levy padjezd, padniacca na druhi pavierch.