Lekcyja «Miastečki ŭ histaryčnaj prastory Biełarusi» — Hrodna, 28 lutaha
28 lutaha ŭ 18.30 u hrodzienskaj halerei «Kryha» adbudziecca lekcyja-razmova na temu «Miastečki ŭ histaryčnaj prastory Biełarusi».
Kažuć, što biełaruskaja nacyja zhubiłasia niedzie pa darozie ź vioski ŭ horad. Moža, u miastečku? Historyk Ina Sorkina pierakananaja, što miastečka — heta nie tolki pierachodny pamiž vioskaj i horadam typ pasielišča, a što heta samadastatkovaja admietnaja źjava hramadskaha, pobytavaha i kulturnaha žyćcia Biełarusi, mikramadel Biełarusi, naš histaryčny brend.
U čym fienomien miastečak?
Što takoje štetł? Vyspa cełasnaha habrejskaha śvietu ŭ akijanie čužoj cyvilizacyi? Arhaničnaja častka kulturnaha łandšaftu Biełarusi, unikalny prykład intehracyi ŭ biełaruskaje asiarodździe habrejskaha nasielnictva z zachavańniem svajoj nacyjanalnaj kultury? Što dało biełarusam praciahłaje susiedstva z habrejami na adnoj sacyjakulturnaj i ekanamičnaj prastory? Słuchačy zaprašajucca da razvahaŭ na hetyja dy inšyja pytańni z historyi našych miastečak.