3 lutaha Maryja Roŭda prezientuje svoj «Kliničny vypadak, albo Daremnyja ŭcioki»
Kniharnia «Łohvinaŭ» (pr.Niezaležnaści, 37a). Pačatak 18.00. Uvachod volny.
Piśmieńnica Maryja Roŭda narešcie sabrała apovieści i apaviadańni ŭ knižku. Častka tvoraŭ napisanaja ŭ kancy XX – pačatku XXI stahodździa (i niekatoryja ź ich drukavała «NN»), častka – naviejšyja, jak apovieść «Nastaŭnik zaŭždy vinavaty».
Hieroi tvoraŭ — heta moładź dzievianostych, jakaja šukaje siabie, sapraŭdnaje kachańnie i svaje karani na razłomie času, kali zdajecca, što paŭstaje całkam novaja kraina. Z samaironijaj, sumam i luboŭju aŭtarka raspaviadaje pra svajo pakaleńnie i pra budučyniu, jakuju maładziony čakali, ale nie atrymali, i jakuju asensoŭvali ŭžo ŭ novuju epochu.
Zbornik Maryi Roŭda staŭ 71-ym vypuskam sieryi «Kniharnia piśmieńnika» Biblijateki Sajuza biełaruskich piśmieńnikaŭ.
Maryja Roŭda — linhvist, skončyła fakultet anhielskaj movy MDŁU, pracuje dacentam na kafiedry historyi i hramatyki anhielskaj movy taho ž univiersiteta. Pierakładała na biełaruskuju movu anhłamoŭnuju prozu, dramaturhiju i dziciačyja multfilmy. Publikujecca z 1993 hoda.
Prezientacyja knihi Maryi Roŭda projdzie 3 lutaha ŭ kniharni «Łohvinaŭ» (pr.Niezaležnaści, 37a). Pačatak u 18.00. Uvachod volny.