«Piacisothodnaść» — prezientacyja novaj kampanii ŭ Minsku
6 žniŭnia 1517 hoda Francišak Skaryna ŭ Prazie vydaŭ pieršuju biełaruskuju knihu – raniej za mnohija susiednija narody biełarusy vyrvalisia napierad u inavacyjnaj honcy «kulturnych hadžetaŭ».
Sajuz biełaruskich piśmieńnikaŭ i Zhurtavańnie biełarusaŭ śvietu «Baćkaŭščyna» ŭ miežach hramadskaj kulturnickaj kampanii «Budźma biełarusami!» abviaščajuć kampaniju «Piacisothodnaść», pryśviečanuju jubileju biełaruskaha druku.
Arhanizatary prapanujuć adpaviedna značnaści padziei hodna sustreć i adśviatkavać 2017 hod šeraham mierapryjemstvaŭ dla šyrokaj publiki i srodkaŭ masavaj infarmacyi. Usich, chto hanarycca našaj historyjaj i kulturaj, Sajuz piśmieńnikaŭ i «Baćkaŭščyna» zaklikajuć dałučycca da kampanii «Piacisothodnaść». Vy možacie raźmiaścić baniery, pryśviečanyja słavutaj dacie, na svaich internet-resursach; pravieści kulturna-aśvietnickija akcyi; brendziravać svaju pradukcyju. Našy hieroi – drukary, piśmieńniki, mastaki, miecenaty, pierakładčyki, aśvietniki – pradaŭžalniki spravy Franciška Skaryny, vartyja taho i čakajuć vašaj uvahi.
Dla tych, chto ŭžo viedaje pra 500-hadovy šlach biełaruskaha knihadruku i choča daviedacca, z čaho jon pačynaŭsia, adbudziecca pieršaja impreza kampanii «Piacisothodnaść» – prezientacyja novaha pierakładu Novaha Zapavietu. Staražytnahreckija manuskrypty, jakimi karystaŭsia Skaryna, byli nanova pierahledžanyja Antonijem Bokunam. U vyniku praz paŭtysiačy hadoŭ paŭstaŭ novy pierakład Biblii.
Prezientacyja adbudziecca 29 krasavika ŭ Pałacy mastactvaŭ (Minsk, vuł. Kazłova, 3), pačatak a 18-j.
Udzieł voźmuć:
- Barys Sačanka, staršynia Sajuza biełaruskich piśmieńnikaŭ
- Alena Makoŭskaja, kiraŭnik Zhurtavańnia biełarusaŭ śvietu «Baćkaŭščyna»
- Antonij Bokun, pastar, pierakładčyk, aŭtar novaha pierakładu Novaha Zapavietu
- Uładzimir Arłoŭ, piśmieńnik
- Alaksandr Firysiuk, staršynia Biblijnaha tavarystva
- Valery Hierasimaŭ, zahadčyk adździeła staradrukaŭ i redkich vydańniaŭ Prezidenckaj biblijateki
- Lavon Barščeŭski, pierakładčyk, hramadski dziejač
- Pieśni na słovy Ryhora Baradulina vykanaje Alaksandr Visłaŭski, muzyka, kolišni ŭdzielnik ansambla «Pieśniary» i hurta Rouble Zone
Viadučy: Usievaład Ścieburaka, litaratar
Uvachod volny!