14 lutaha — kancert dla zakachanych u kłubie «Bruhie»
Kłub «Bruhie» (Partyzanski praśpiekt, 6A). Pačatak a 20.00.
Užo majecie płany na 14 lutaha? Jość nahoda ich skarektavać: u kłubie «Bruhhie» daść ramantyčny kancert adzin z samych jaskravych i emacyjnych kalektyvaŭ siońniašniaj biełaruskaj rok-sceny.
U 2013 hety hurt zaśpiavaŭ pa-biełarusku — i, jak pryznajucca sami chłopcy, nie moža spynicca. Dosyć hulać u zahadki: heta Nizkiz z Mahilova.
Niadaŭna hurt vypuściŭ sinhł «Zdieś» i padčas kancerta płanuje prezientavać častku pieśniaŭ z budučaha albomu. Naviednikaŭ usio tak ža čakajuć novyja pieśni, napoŭnienyja kachańniem i pačućciami.
Sam ža albom budzie prezientavany užo hetaj viasnoj.
Nizkiz byŭ utvorany ŭ 2008 hodzie ŭ Mahilovie i maje za śpinoj užo dva albomy. Heta pieršy biełaruski hurt, jaki vydaŭ albom u ličbavym farmacie 3plet (da kožnaj pieśni byli prykładzieny hrafičnyja ilustracyi). U 2012 Nizkiz atrymali až 4 premii: stali pieramožcami konkursu «Rock Smena», atrymali premiju u naminacyi «Debiut hoda» ad «Ultra-Music Awards», Radyjo ANT i premii «Rock Profi».
Hurt pastajanna vystupaje na topavych fiestyvalach Biełarusi — Družba festival, Rok za Babroŭ, LIDBEER, Basovišča, Men's Fest i mnohija inšyja. Varta zhadać i ich mocny vystup na «Pieśni hoda — 2015» kala Mirskaha zamka, jaki demanstruje kolki enerhii ŭkładaje hurt ŭ svaje treki:
A ich klip na pieśniu «Heta ja sam» z mocnym vakałam Alaksandra Iljina nabraŭ na YouTube až 15 tysiač prahladaŭ:
Kancert adbudziecca ŭ kłubie «Bruhhie» 14 lutaha, pačatak a 20:00.