Nasta Kudasava. Listy. Vierš.
Paetka nahadała ŭ svaim fejsbuku svoj užo davoli daŭni, ale, na žal, nadalej aktualny vierš.
Fota: Fejsbuk
kažuć, listy ŭ turmu nie hublajucca nazaŭsiody.
jany adroščvajuć kryły, źbirajucca ŭ stai liscínyja
i niekudy ŭ nieba latuć, budujuć tam hniozdy svabody…
tatuiroŭki litar nie zažyvajuć na biełych śpinach.
a viaźni stanoviacca viazami, jany prarastajuć praz kraty,
listotu svaju šukajučy, hołym hallom halokajuć…
i nieba da ich prychodzić — listami i liścianiatami.
i bol adpuskaje ŭsich, spłyvajučy preč abłačynkaj lohkaj.
24.12.2020