U Varoniežy spynili vytvorčaść apošniaha rasijskaha televizara
Varoniežski zavod «Kvant» całkam spyniŭ zborku televizaraŭ marki Irbis. Hety brend aficyjna ličyŭsia adzinym całkam rasijskim i byŭ uklučany ŭ rejestr Minpramhandlu, piša «Kommiersant'».
Ilustracyjnaje fota
Na zavodzie paviedamili, što vytvorčaść televizaraŭ Irbis usich dyjahanalaŭ (ad 32 da 65 calaŭ) spynienaja. Adnaŭlać jaje ŭ 2025 hodzie nie płanujecca.
Zychodziačy ź infarmacyi krynic, vytvorčaść spynili z-za nizkaha popytu na pradukcyju — pry dziaržaŭnych zakupkach pieravahu najčaściej addajuć zamiežnym brendam.
Pavodle acenak ekśpiertaŭ, dola zavoda «Kvant» na rasijskim rynku televizaraŭ składała 10—15%. Inšyja televizijnyja brendy, što źbirajucca ŭ krainie, nie ŭvachodziać u Adziny rejestr rasijskaj radyjoelektronnaj pradukcyi. Kab tudy patrapić, dola zamiežnych kamplektujučych nie pavinna pieravyšać 60%.
U apošnija hady značna vyraśli pastaŭki na rasijski rynak biełaruskich televizaraŭ. U 2024 hodzie jany ŭvachodzili ŭ top-5 samych pradavanych u Rasii biełaruskich tavaraŭ.