Rabočaja partyja Kurdystana pryniała rašeńnie pra samarospusk
Rabočaja partyja Kurdystana paviedamiła pra rašeńnie spynić uzbrojeny kanflikt z Turcyjaj i samaraspuścicca, paviedamlaje ahienctva Rudaw.
Małady čałaviek trymaje płakat lidara Rabočaj partyi Kurdystana (RPK) Abduły Adžałana, jaki z 1999 hoda adbyvaje pažyćciovaje źniavoleńnie. Fota: Bilal Seckin/SOPA Images/LightRocket via Getty Images
«RPK (Rabočaja partyja Kurdystana) robić tolki najlepšaje dla kurdaŭ. Sučasny mirny praces lepšy za ŭčorašniuju vajnu RPK. Kali RPK praciahnie zmahacca, jana naškodzić samoj sabie», — cytuje Rudaw byłoha člena kiraŭnictva partyi Chaliła Atadža.
27 lutaha lidar hetaj radykalnaj kurdskaj partyi Abduła Adžałan, jaki ŭžo bolš za čverć stahodździa znachodzicca ŭ tureckaj turmie, zaklikaŭ svaich prychilnikaŭ skłaści zbroju i spynić dziejnaść. Jon taksama źviarnuŭsia da kiraŭnictva Turcyi z zaklikam «prajavić pavahu da etničnych mienšaściaŭ, svabody vykazvańnia mierkavańniaŭ i prava na demakratyčnuju samaarhanizacyju».
Rabočaja partyja Kurdystana, što niekalki dziesiacihoddździaŭ zmahałasia z Turcyjaj, zaniesienaja ŭ śpis terarystyčnych arhanizacyj u Turcyi, u Jeŭrapiejskim Sajuzie i ZŠA. Z 1984 hoda arhanizacyja viadzie bajavyja dziejańni z Turcyjaj, patrabujučy stvareńnia aŭtanomii dla kurdaŭ.