Rasijskija ŭłady śćviardžajuć, što ŭkrainski bieśpiłotnik atakavaŭ spartkompleks «Biełharad Arena»
Ukrainskija bieśpiłotniki dniom u subotu atakavali ŭ Biełharadzie dva hramadzianskija abjekty, zaviaiŭ hubiernatar vobłaści Viačasłaŭ Hładkoŭ.
Adzin z dronaŭ upaŭ na spartkompleks «Biełharad Arena». Na dachu ŭźnik pažar. Pavodle słoŭ Hładkova, u momant ataki tam prachodzili zaniatki, ale nichto nie paciarpieŭ.
U svaim telehram-kanale hubiernatar apublikavaŭ videa.
Jaki mienavita druhi abjekt paciarpieŭ, čynoŭnik nie ŭdakładniŭ, adznačyŭšy tolki paškodžańni fasada i škleńnia.