Aŭtobus i mikraaŭtobus sutyknulisia ŭ Biarozaŭskim rajonie: 15 čałaviek paciarpieli
Zdareńnie adbyłosia ŭ aŭtorak kala 18:30 na trasie M1. Aŭtobus PAZ pry razvarocie z pałasy razhonu sutyknuŭsia mikraaŭtobusam, što ruchaŭsia ŭ spadarožnym napramku.
15 čałaviek atrymali traŭmy. U paciarpiełych spałučanyja traŭmy roznaj stupieni: ČMT, pierałomy, udary i parvanyja rany, paviedamlaje Minzdaroŭja.
U Biarozaŭskaj CRB znachodziacca 10 čałaviek: čaćviora ŭ reanimacyi i šaściora ŭ traŭmatałahičnym adździaleńni. U Ivacevickuju CRB špitalizavanyja piać pasažyraŭ aŭtobusa. Jany znachodziacca ŭ traŭmatałahičnym adździaleńni.
Na miescy DTZ pracavali šeść bryhad chutkaj. U Biarozaŭskuju CRB nakiravana bryhada abłasnych daktaroŭ-śpiecyjalistaŭ.