U Biełarusi za hod začyniłasia 1000 ahrasiadzib
U Biełarusi ŭ 2024 hodzie dziejničała krychu bolš za 1,4 tys. ahraekasiadzib. Za hod ich stała na tysiaču mienš.
A voś kolkaść tam turystaŭ skaraciłasia nie tak značna. U 2023 hodzie ŭ krainie naličvałasia 2409 ahrasiadzib, jakija naviedali 450,4 tys. haściej, piša Newgrodno.by.
Kolkaść ahrasiadzib u krainie skaračajecca ŭžo niekalki hadoŭ zapar. Tak, u 2021—2022 hadach ich było bolš za 3 tys. U tyja hady ŭ ich adpačyvała kala 560 tys. čałaviek.
Tady skaračeńnie kolkaści abjektaŭ sielskaha turyzmu było źviazana ź źmienami ŭ zakanadaŭstvie. Siadziby pavinny byli prajści pierarehistracyju i paćvierdzić, što tam akazvajucca zajaŭlenyja pasłuhi.