Pastajalec zabyŭ 50 tysiač dalaraŭ pad paduškaj u minskaj haścinicy
U minskaj haścinicy «Zorka» pakajoŭka, jakaja pracuje na 11 paviersie, zaŭvažyła, što pastajalec mocna chvalavaŭsia. Paśla jaho adjezdu žančyna pajšła prybirać numary, paviedamlajuć Minsk-naviny.
Panorama Yandex maps
U momant zapraŭki paścieli pad paduškaj jana znajšła pakiet, u jakim była bujnaja suma valuty.
— Pavodle praviła, ja adrazu źviarnułasia da administratara, i kali klijent pryjšoŭ, pieradała jamu hrošy. U nas ludzi časta niešta zabyvajuć, a z sumleńniem ździełak nie zaklučaju, — paviedamiła pakajoŭka Antanina Jeśman.
U administracyi haścinicy skazali, što žančynu ŭznaharodziać premijaj i padziakaj.
Anałahičny vypadak adbyŭsia ŭ «Zorcy» 13 hadoŭ tamu. Tady horničnaja viarnuła zabytyja 20 tysiač dalaraŭ.