Administratar minskaha restarana skraŭ vyručku i źjechaŭ u Rasiju
25-hadovy chłopiec pracavaŭ administrataram u restaranie na vuł. Ržavieckaj. Kali jamu terminova spatrebilisia hrošy, jon vyrašyŭ zabrać ź siejfa vyručku za niekalki dzion. Havorka idzie pra sumu 6168,43 rubla, pišuć Minsk-naviny.
Kali ŭładalnik ustanovy daviedaŭsia pra situacyju, jon źviazaŭsia z maładym čałaviekam. Apošni va ŭsim pryznaŭsia i napisaŭ raśpisku, što viernie hrošy ciaham sutak. Ale ŭ vyniku źjechaŭ u Maskvu.
Uładalnik restarana źviarnuŭsia ŭ milicyju, u dačynieńni da byłoha rabotnika zaviali kryminalnuju spravu. Paśla viartańnia ŭ Minsk małady čałaviek byŭ zatrymany, jaho ŭziali pad vartu.
Jamu vystaŭlena abvinavačańnie ŭ prysvajeńni majomaści. U milicyi ŭdakładnili, što vinu minčuk całkam pryznaŭ, u zroblenym raskajaŭsia, ale pryčynienuju arhanizacyi škodu nie pakryŭ.