Na konkursie «Mis śvietu Čyli» adna z udzielnic vykanała pieśniu ŭ styli det-mietał hroŭlinham VIDEA

Pavodle słovaŭ Ihnasii Fiernandes, jana bajałasia kpinaŭ, ale zała, naadvarot, sustreła vystupleńnie avacyjami. Ciapier dziaŭčyna pazmahajecca za pieramohu ŭ finale.

Skrynšot videa

Ihnasija Fiernandes — nie tolki madel, jana jašče i vakalistka mietał-hurta Decessus.

Dziaŭčyna vyjšła na scenu z hłamurnym makijažam i pryčoskaj, a taksama apranutaja ŭ viačerniuju sukienku-kiejp čornaha koleru. Nichto nie čakaŭ, što śpiavać jana budzie mienavita ŭ takim styli.

Vystupleńnie Ihnasii zrabiłasia virusnym u internecie. Mnohija jaje padtrymali za toje, što jana nie pabajałasia pakazać toje, što joj nasamreč padabajecca, i toje, u čym jana sapraŭdy vyhladaje dobra.

Hroŭlinh (ad anhł. growling — «ryk») — heta sposab ekstremalnaha vakału, pry jakim huk utvarajecca dziakujučy rezanansu ŭ hartani. Taki typ vakału časta vykarystoŭvajecca ŭ roznych ciažkich muzyčnych žanrach — treš-, hotyk-, det-, hruŭ– i dum-mietale, a taksama ŭ hrajndkory, mietałkory i detkory, časam sustrakajecca i ŭ błek-mietale.

Kamientary da artykuła