U stalicy Indyi vybuchnuŭ aŭtamabil, dziasiatki zahinułych i paciarpiełych
U Ńju-Deli, stalicy Indyi, vybuchnuŭ aŭtamabil. Pry hetym jak minimum 13 čałaviek zahinuli, a 24 atrymali ranieńni, paviedamlaje CNN. Vybuch adbyŭsia na śviatłafory pablizu histaryčnaj krepaści Čyrvony fort, tut ža pablizu raźmieščanaja stancyja mietro.
Fota: Prakash Singh/Bloomberg via Getty Images
«Aŭtamabil, jaki pavolna ruchaŭsia, spyniŭsia na čyrvony sihnał śviatłafora. U hetym aŭtamabili adbyŭsia vybuch, i ŭ vyniku vybuchu byli paškodžanyja aŭto, jakija byli pablizu», — paviedamiŭ kamisar staličnaj palicyi Saciš Hołča.
«Ja była na stancyi mietro, spuskałasia pa leśvicy, kali pačuła vybuch. Ja paviarnułasia i ŭbačyła ahoń. Ludzi pačali chaatyčna raźbiahacca», — raskazała ahienctvu Reuters žonka ŭładalnika hatela ŭ susiednim rajonie.
Inšy śviedka raskazaŭ vydańniu, što paśla vybuchu na miesca prybyli prykładna 30‑40 karet chutkaj dapamohi. Jon taksama raskazaŭ, što bačyŭ reštki złamanych aŭtamabilaŭ i natoŭp, jaki mitusiŭsia navokał.
Što mienavita stałasia pryčynaj vybuchu, pakul nieviadoma, palicyja vyśviatlaje heta.
U Ńju-Deli i Mumbai paśla hetaha ŭviedzieny režym pavyšanaj hatoŭnaści. Taksama ŭzmocnienaje patrulavańnie na miažy z Pakistanam.
Čytajcie taksama:
U turmie ŭ Ekvadory znajšli dziasiatki paviešanych viaźniaŭ
USU raźnieśli bazu zachoŭvańnia «šachiedaŭ» u Daniecku
U Bośnii padčas pažaru ŭ domie sastarełych zahinuli 10 čałaviek
U Kijevie na pošcie vybuchnuła pasyłka, jašče adnu abiasškodzili