U Pieru 37 čałaviek zahinuli paśla padzieńnia aŭtobusa z abryvu
Prynamsi 37 čałaviek zahinuli i 13 atrymali ranieńni ŭ vyniku padzieńnia aŭtobusa z abryvu ŭ jar u rehijonie Arekipa na poŭdni Pieru. Pra heta paviedamlaje miascovaja radyjostancyja RPP.
Fota: RPP
Pavodle infarmacyi RPP, aŭtobus sutyknuŭsia z hruzavikom, paśla čaho vylecieŭ z darohi.
«Na žal, na hety momant paćvierdžana, što 36 čałaviek zahinuli na miescy avaryi i jašče adzin pamior u balnicy. Vierahodna, heta ŭžo kančatkovaja ličba», — zajaviŭ radyjostancyi kiraŭnik słužby achovy zdaroŭja rehijona.
Ciapier pravodzicca rasśledavańnie abstavin taho, što adbyłosia.
Pavodle adnoj ź viersij, pryčynaj zdareńnia moh stać drenny stan darohi, jaki pahoršyŭsia praz daždžy.
Čytajcie taksama:
Tureckija vajskoŭcy raźbilisia ŭ samalocie, viartajučysia z paradu ŭ Baku
U stalicy Indyi vybuchnuŭ aŭtamabil, dziasiatki zahinułych i paciarpiełych
U turmie ŭ Ekvadory znajšli dziasiatki paviešanych viaźniaŭ
Na poŭdni Brazilii prajšoŭ mahutny tarnada, šmat achviar i razbureńniaŭ