Biełaruskich himnastaŭ dapuścili da jeŭrapiejskich turniraŭ

Biełaruskich spartsmienaŭ razam z rasijskimi dapuścili da turniraŭ pad ehidaj Jeŭrapiejskaj fiederacyi himnastyki (European Gymnastics), paviedamili ŭ pres-słužbie Biełaruskaj asacyjacyi himnastyki.

Fota ilustracyjnaje

Adpaviednaje rašeńnie pryniata na 31‑m kanhresie European Gymnastics u Prazie.

Raniej biełarusy mahli vystupać u niejtralnym statusie tolki na turnirach Mižnarodnaj fiederacyi himnastyki (FIG), ale nie jeŭrapiejskaj. Heta kaštavała im udziełu ŭ Alimpijskich hulniach u Paryžy, bo adbor na ich prachodziŭ na čempijanacie Jeŭropy, da jakoha biełaruskija atlety dapuščanyja nie byli. 

Pastanova European Gymnastics ab dopusku da spabornictvaŭ biełarusaŭ i rasijan uvojdzie ŭ dziejańnie 1 studzienia 2026 hoda.

Kamientary da artykuła