Alaksandra Sasnovič nie zdoleła prabicca ŭ asnoŭny raŭnd «Rałan Haros»
U finale kvalifikacyi biełaruskaja tenisistka sastupiła pradstaŭnicy Ispanii Marynie Basols — 6:7, 5:7.
Asnoŭnaja stadyja Adkrytaha čempijanatu Francyi pa tenisie (Rałan Haros) startuje ŭ niadzielu. Pieršaja rakietka śvietu Aryna Sabalenka ŭ pieršym kruzie zhulaje suprać ispanki Džesiki Buzas Maniejra.
U minułym hodzie Sabalenka dajšła da finału turniru, dzie prajhrała Kako Haŭf.
Tamu ŭ adpaviednaści z praviłami jana budzie abaraniać 1300 bałaŭ, naličanych za finał (za pieramohu dajecca 2000 bałaŭ).
Ale Aryna moža stracić zvańnie pieršaj rakietki śvietu pa vynikach turniru. Zaraz adryŭ biełaruski ad Aleny Rybakinaj, što zajmaje druhi radok, składaje 1255 bałaŭ. U vypadku pieramohi Rybakinaj na «Rałan Haros» jana stanie pieršaj rakietkaj śvietu pry ŭmovie, što Sabalenka prajhraje ŭ paŭfinale abo raniej.
Kali ž biełaruska dojdzie da finału, to navat u vypadku paražeńnia ad Aleny ŭ vyrašalnym matčy Aryna zachavaje za saboj pieršuju pazicyju ŭ suśvietnym rejtynhu.