U Minsku vystavili na prodaž papularny retra-bar u styli 1990‑ch
Ustanova Bar.90s pracuje z 2022 hoda i znachodzicca ŭ centry horada — na pieršym paviersie biznes-centra Royal Plaza na praśpiekcie Pieramožcaŭ. Pra jaje prodaž źjaviłasia abjava na płatformie Realt.by.
Bar pradajuć razam z kampanijaj, i za jaho prosiać ad 68 tysiač rubloŭ (prykładna $24,9 tysiačy). U abjavie adznačajecca, što heta hatovy prybytkovy biznes, jaki pradajecca niepasredna ŭładalnikam. Pamiaškańnie arandujecca pa pryvatnaj damovie da 2028 hoda z mahčymaściu padaŭžeńnia.
U štacie ŭžo jość supracoŭniki: dva barmeny, aficyjant, achoŭnik, SMM-śpiecyjalist, dyrektar, dva prybiralščyki i buchhałtar, jaki pracuje dystancyjna.
Akramia taho, novy ŭładalnik atrymaje raźvityja sacyjalnyja sietki bara.
Čytajcie taksama:
Połacki małočny kambinat pajšoŭ u bankructva
Pad aryšt trapiła majomaść Minskaha padšypnikavaha zavoda
Były pałac Radziviłaŭ u Dziatłavie za 90 rubloŭ nabyła rasijanka