Chłopca ź Minska asudzili za niepavahu da Viečnaha ahniu
U Minsku sud vynies rašeńnie pa spravie 20‑hadovaha žychara stalicy, jaki byŭ abvinavačany ŭ chulihanstvie paśla incydentu kala Viečnaha ahniu na płoščy Pieramohi, piša ahienctva «Minsk-Naviny».
Fota ilustracyjnaje
Jak paviedamlajecca, paśla pracy chłopiec, jaki pracuje pradaŭcom, kupiŭ ałkahol i ježu, paśla čaho nočču špacyravaŭ pa horadzie. Ranicaj jon apynuŭsia na płoščy Pieramohi, dzie kinuŭ upakoŭku ad krabavych pałačak ŭ Viečny ahoń, a zatym, zakuryŭšy, strasaŭ tudy ž popieł.
Nieŭzabavie chłopca zatrymali i zaviali suprać jaho kryminalnuju spravu. U sudzie jon pryznaŭ vinu i raskajaŭsia, patłumačyŭšy svaje dziejańni tym, što chacieŭ pahladzieć, jak budzie hareć upakoŭka.
Sud pryznaŭ jaho vinavatym u chulihanstvie — dziejańniach, jakija hruba parušajuć hramadski paradak i prajaŭlajuć vidavočnuju niepavahu da hramadstva. U vyniku jamu pryznačyli štraf u pamiery 50 bazavych vieličyń (2 250 rubloŭ).
Čytajcie taksama:
U Viciebsku žančyna źbiła sužyciela da pieršaj hrupy invalidnaści. Kolki dali?
U Minsku navučeniec kaledža stralaŭ ź pnieŭmatyki pa voknach
U Mastach pjanyja mužyki stralali z kvatery ź pnieŭmatyki. I trapili ŭ susiedski «Opiel»