U Dubai admianili turystyčny zbor u hatelach
U Dubai časova admianili turystyčny zbor u hatelach, kab padtrymać popyt na adpačynak tut. Havorka idzie pra zbor Tourism Dirham — płatu, jakuju zvyčajna biaruć z turystaŭ za kožnuju noč pražyvańnia. U darahich hatelach jon moža składać kala 20 dyrchamaŭ (kala 5,5 dalaraŭ) za sutki.
Zdymak ilustracyjny. Fota: magnific.com
Z 1 krasavika hety zbor užo nie spahaniajecca, dziakujučy čamu adpačynak u Dubai staŭ tańniejšym. Adnak ułady papiaredzili, što heta časovaja miera: užo z 30 červienia zbor viernuć.
Admiena raspaŭsiudžvajecca na ŭsie vidy raźmiaščeńnia — hateli, apartamienty i kurortnyja kompleksy. Meta — padtrymać hatelny biznes i palepšyć finansavuju situacyju ŭ hetaj śfiery.
Takoje rašeńnie źviazana sa źnižeńniem popytu na pajezdki ŭ AAE z boku inšaziemcaŭ, u tym liku z-za napružanaści ŭ rehijonie. Kab pryciahnuć klijentaŭ, hateli taksama prapanujuć skidki i dadatkovyja bonusy, asabliva dla miascovych žycharoŭ.
Čytajcie taksama:
«Biełavija» adnaviła paloty ŭ Dubaj
U AAE paśla dvuchmiesiačnaha pierapynku adkryli pavietranuju prastoru