Kiraŭnik studyi ZROBIM architects ciapier u SIZA
Biuro abvinavačvajuć va ŭchileńni ad padatkaŭ. Niezadoŭha da vizitu siłavikoŭ suzasnavalnik studyi Andrej Makoŭski (Andruś Bezdar) pisaŭ u sacsietkach, što im pryjšło ŭkazańnie naniać ideołaha.
Andruś Bezdar. Fota: zrobim.by
U ofis biuro ZROBIM architects siłaviki prychodzili 9 i 10 krasavika. Kala 50 supracoŭnikaŭ byli zatrymanyja, bolšaść paśla adpuścili.
Firmu abvinavacili ŭ tym, što z 2021 pa 2025 hod jana atrymała niaŭličanaha prybytku na 6 miljonaŭ dalaraŭ. Sukupnuju škodu biudžetu krainy acanili ŭ bolš čym 5 miljonaŭ rubloŭ. U siužecie STB zajavili, što «nie mienš za 60% ad usich zarobkaŭ» supracoŭnikam biuro vypłačvali «ŭ kanviertach».
Suzasnavalnik studyi Andrej Makoŭski byŭ zatrymany. Ale praz 16 sutak paśla chapuna ŭ studyi ŭ sacsietkach Andreja źjavilisia pasty pra novyja prajekty — mierkavałasia, što jon vyjšaŭ na volu.
Adnak učora, 4 červienia, u akaŭncie Andreja ŭ treds źjaviŭsia dopis: «Pryvitańnie ź SIZA! Płacicie padatki całkam, rabiaty».
Paźniej jaho žonka ŭ sacsietkach patłumačyła: akaŭnt časova viadzie jana, pakul muž za kratami. «U svaich listach jon dasyłaje mnie paviedamleńni dla Threads, jakija choča z vami abmierkavać».
Žonka Andreja trymaje listy ad jaho ź SIZA. Fota: Threads
Makoŭski ciapier pad śledstvam, ale kampanija praciahvaje pracavać.