Nacbank vypuskaje novuju manietu «Słavianka»

Z 15 červienia ŭ Biełarusi ŭvodzicca ŭ abaračeńnie novaja inviestycyjnaja manieta «Słavianka». Adpaviednaje rašeńnie zamacavana pastanovaj praŭleńnia Nacyjanalnaha banka ad 5 červienia 2026 hoda.

Manieta vyrablenaja sa srebra najvyšejšaj proby 999,9. Jaje vaha składaje 31,1 hrama, naminał — 20 rubloŭ. Ahulny nakład vypusku — 15 tysiač asobnikaŭ.

Asablivaść hetaj maniety ŭ tym, što jana była adčakanienaja ŭ Biełarusi — na homielskim pradpryjemstvie «Kryštal» u 2026 hodzie. Raniej pamiatnyja i inviestycyjnyja maniety pa zakazie Nacbanka vyrablalisia za miažoj, jak i zakuplalisia kaštoŭnyja mietały dla ich vytvorčaści.

Pavodle dakumienta Nacbanka, «Słavianka» źjaŭlajecca zakonnym apłatnym srodkam na terytoryi krainy i pavinna prymacca pa naminalnym košcie pry ŭsich vidach apłat bieź jakich-niebudź abmiežavańniaŭ.

Kamientary da artykuła