Unačy zakryvali aeraport Vilni
U noč na paniadziełak u aeraporcie Vilni byli abmiežavany rejsy. Zafiksavany, jak padazrajecca, kantrabandnyja pavietranyja šary, paviedamlaje LRT.
«U 01:18 była ŭviedziena častkovaja abmiežavańnie pavietranaj prastory nad Vilenskim aeraportam z-za hibrydnaj ataki Biełarusi (…), u niebiaśpiečnych dla avijacyi zonach zafiksavanyja navihacyjnyja pakazańni, charakternyja dla pavietranych šaroŭ. Vilenski aeraport adnaviŭ pracu ŭ 04:00, abmiežavańni pavietranaj prastory byli źniaty», — havorycca ŭ paviedamleńni Litoŭskich aeraportaŭ.
U vyniku časovaj abmiežavanaści byli zakranutyja piać rejsaŭ i kala 453 pasažyraŭ. Čatyry samaloty nakiravany ŭ inšyja aeraporty, dva ź ich — u Koŭna, i adzin rejs byŭ skasavany.
Kiraŭnik Nacyjanalnaha centra kiravańnia kryzisami Viłmantas Vitkaŭskas kaža, što minułaj nočču byli zafiksavanyja piać kantrabandnych pavietranych šaroŭ.