U Łatvii była abvieščanaja pavietranaja tryvoha, žycharoŭ prosiać chavacca va ŭkryćciach
Nacyjanalnyja ŭzbrojenyja siły Łatvii zaklikali žycharoŭ chavacca ŭ biaśpiečnym miescy ŭnutry budynkaŭ i vykonvać pryncyp dvuch ścien.
Ilustracyjnaje fota AP Photo Efrem Lukatsky File
Nacyjanalnyja ŭzbrojenyja siły Łatvii ranicaj u paniadziełak papiaredzili ab mahčymaj pahrozie ŭ pavietranaj prastory krainy. Pra heta śviedčyć infarmacyja, apublikavanaja na sajcie «112.lv».
Papiaredžańnie ab mahčymaj pahrozie ŭ pavietranaj prastory było abvieščana ŭ rehijonach na ŭschodzie krainy — u Rezeknie, Łudzie, Bałvi i Ałukśnie. Žycharam hetych rehijonaŭ byli razasłanyja ekstranyja paviedamleńni praz mabilnuju sietku, paviedamiła NBS.
U pavietranaj prastory krain Bałtyi byli padniaty ŭ pavietra źniščalniki misii pavietranaj palicyi NATA.
Nacyjanalnyja ŭzbrojenyja siły zaklikali žycharoŭ chavacca ŭ biaśpiečnym miescy ŭnutry budynkaŭ i vykonvać pryncyp dvuch ścien.
Taksama hramadzian prosiać nie nabližacca da padazronych nizkalotnych abjektaŭ i ŭ vypadku ich vyjaŭleńnia telefanavać pa numary ekstranaj dapamohi 112.
Paźniej źniščalniki NATA źbili bieśpiłotnik u pavietranaj prastory Łatvii.