U Hrodzienskaj vobłaści projduć mabilizacyjnyja vučeńni
Vučeńni projduć z 17 da 26 červienia.
Fota: Minabarony
Buduć adpracoŭvacca pytańni dadatkovaha kamplektavańnia vajskovych kamisaryjataŭ šlacham pryzyvu vajennaabaviazanych na zbory z nastupnym ich udziełam u vučeńni ŭ składzie vajenkamaŭ, paviedamlaje Minabarony.
Vajennaabaviazanyja buduć udaskanalvać vajskovyja viedy, asvojvać uzbrajeńnie i vajskovuju techniku, vučycca vykonvać zadačy, jakija pastupajuć ad kiraŭnikoŭ vučeńniaŭ i patrabujuć apieratyŭnych rašeńniaŭ i dziejańniaŭ.
Płanujecca adpracoŭka pytańniaŭ apaviaščeńnia i jaŭki vajskovaabaviazanych i transpartnych srodkaŭ u punkty papiaredniaha zboru. Buduć uručacca pozvy ab nieabchodnaści prybyćcia ŭ punkty zboru vajskovaabaviazanych dla źvierak asabistych danych.
U pieryjad vučeńniaŭ pobač z vajskovymi kamisaryjatami i inšymi abjektami bazy praviadzieńnia mabilizacyi hramadzian i transpartnych srodkaŭ mohuć być čutnyja vybuchi imitacyjnych srodkaŭ i streły chałastymi bojeprypasami. Taksama mahčyma abmiežavańnie ruchu pa asobnych vulicach, prylehłych da vajskovych kamisaryjataŭ.