Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY

Śviežyja fota i videa viadomaha zakinutaha kaścioła — śviatoha Mikałaja ŭ vioscy Kniažycy Mahiloŭskaha rajona — vydańnie Katolik.life zaŭvažyła ŭ sacsietkach. Na zdymkach, jakija zrabili turysty, dobra vidać ciapierašni stan chrama, jaki maje patrebu ŭ terminovych supraćavaryjnych rabotach.

Hety chram uvachodzić u śpis pomnikaŭ architektury, jakija achoŭvajucca dziaržavaj, tamu jana nibyta pavinna pra jaho kłapacicca. Ale ciaham mnohich hadoŭ hrošaj u biudžecie choć by na kansiervacyju budynka tak i nie znajšli.

Tamu ŭ kancy 2025 hoda Mahiloŭski rajvykankam abjaŭlaŭ pra zbor achviaravańniaŭ dla praviadzieńnia supraćavaryjnych mierapryjemstvaŭ i kansiervacyjnych rabot.

Z taho času nie paviedamlałasia, kolki sabrana hrošaj i kali pačnucca raboty, a pomnik tym časam praciahvaje razburacca.

Kamientary da artykuła