Na pažary ŭ Škłoŭskim rajonie zahinuli muž i žonka. Žančyna ŭ apošni momant paśpieła pieradać susiedcy dvuchhadovaha ŭnuka
Niaščaście zdaryłasia siońnia nočču ŭ Starasielli.
Fota: SK
Padčas likvidacyi pažaru ratavalniki vyjavili cieły muža i žonki — 58‑hadovaha mužčyny i 47‑hadovaj žančyny, paviedamlaje MNS.
Adna ź vidavočcaŭ paviedamiła śledčamu, što zaŭvažyła dym u susiednim domie i ŭbačyła, jak haspadynia raźbivaje šyby ŭ aknie.
Padbiehšy bližej, žančyna ŭbačyła, što ŭnutry znachodzicca dzicia. Susiedka pieradała joj svajho dvuchhadovaha ŭnuka, paśla čaho z-za ahniu jaje bolš nichto nie bačyŭ.
Zaraz chłopčyk znachodzicca ŭ reanimacyi.