Spynieńnie «rastvaralnaha biznesu» pryviało da abvału ŭ handli Biełarusi ź ES
Pavodle źviestak Biełstata, tavaraabarot z krainami Jeŭrasajuza ŭ studzieni—sakaviku 2013 hoda źniziŭsia na 26% i skłaŭ 5,6 młrd dalaraŭ. Letaś za anałahičny pieryjad tavaraabarot vyras na 60%.
Za pieršy kvartał hetaha hoda ekspart pamienšaŭ na 42%, impart vyras na 26%.
Biełaruś pa-raniejšamu tatalna zaležyć ad pastavak rasijskaj syraviny i prodažu biełaruskich tavaraŭ na rasijskim rynku. Na Rasija prypadaje až 48,4% ad usiaho abjomu tavaraabarotu.Nastupnymi pa značnaści handlovymi partniorami źjaŭlajucca krainy, u jakija Biełaruś ekspartuje naftu j naftapradukty, vyrablenyja z rasijskaj syraviny: Niderłandy — 8,6%, Ukraina — 7,5%, Hiermanija — 6%. Tolki ŭ kancy śpisa akazvajucca ekanamičny hihant Kitaj — 4,3% — i vialiki susied Polšča — 2,6%. Paśla iduć Italija — 2,5%, Brytanija — 1,5% (taksama nafta), susiedzi Litva — 1,4%, Łatvija — 0,9%.
Ekspart tavaraŭ u Rasiju skłaŭ 3,8 młrd dalaraŭ, što na 4,4% bolš, čym letaś. Hety rost byŭ dasiahnuty za košt pavieličeńnia pastavak u Rasiju bienzinu. Pa inšych hrupach tavaraŭ nazirałasia padzieńnie popytu.
Abjom ekspartu va Ukrainu dasiahnuŭ 0,97 młrd dołaraŭ (na 14% mienš), impartu ŭ Biełaruś — 0,5 młrd (na 24% bolš).
U Kitaj ekspartavana tavaraŭ na 0,24 młrd dalaraŭ (u 2,8 razu bolš, za košt rostu pastavak chłorkaliju), impartavana — na 0,61 młrd (na 38% bolš).
Rezka źniziŭsia ekspart u Łatviju — na 87% da 0,15 młrd dalaraŭ. Mienavita praz Łatviju ažyćciaŭlaŭsia reekspart nafty pad vyhladam rastvaralnikaŭ u 2012 hodzie.Rasija paličyła jaho parušeńniem miždziaržaŭnych damoŭlenaściaŭ i sprobaj sychodu ad mytnych płaciažoŭ i prymusiła spynić jaho ad žniŭnia minułaha hoda.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary